Fréttir

Höggbylgjutæki gefið í Rjóðrið

horvaldsenskonur færðu Rjóðrinu höggbylgjutæki að gjöf að verðmæti 2,1 milljónir króna þann 18. desember. Ágóði af sölu jólamerkis Barnauppeldissjóðs 2018 fjármagnaði verkefnið. 

Rjóðrið er hjúkrunar-hvíldar og endurhæfingarheimili fyrir langveik fötluð börn starfa þau innan Landspítalans. Þar fá börn og unglingar alhliða hæfingar- og endurhæfingarþjónustu..

Höggbylgjumeðferðin er notuð í meðferð langveikra barna og ungmenna sem glíma við svo kallað “spastistet”. Þetta á einkum við um einstaklinga með ákominn heilaskaða af völdum sjúkdóma eða slysa. Árangur meðferðarinnar lýsir sér m.a.í bertri líðan, minna “spastistets”,meiri liðleika og mýkt, minni sársauka og meiri virkni. Á myndinni eru Thorvaldsenskonur ásamt Guðrúnu hjúkrunarstjóra og Guðnýju sjúkraþjálfara þegar tækið var afhent.

20181218 120843 3

Jólakort og jólamerki 2018

Jólakort

Jólakort Thorvaldsensfélagsins 2018 er með mynd eftir Kolbrúnu Kjarval. Pakkinn með 10 kortum kostar 1.500.- og eru þau seld til styrktar sykursjúkum börnum og unglingum.Jólamerki Barnauppeldissjóðs 2018 ber sömu mynd og rennur ágóði af sölu þetta árið til Rjóðursins til kaupa á höggbylgjutæki. Rjóðrið er hjúkrunar- hvíldar og endurhæfingarheimili fyrir langveik fötluð börn. Örk með 12 merkjum kostar aðeins 300 krónur. Jólakort og jólamerkin fást hjá félagskonum og á Thorvaldsensbazar, Austurstræti 4.

jólamerki

Styrkur til Samskiptamiðstöðvar heyrnaskertra og heyrnarlausra barna

barnaquppsj

Stjórn Barnauppeldisssjóðs Th þær Dröfn S.Farestveit formaður, Jóhanna Sæmundsdóttir, Júlíana Sigurveig Guðjónsdóttir, Dóra Garðarsdóttir og Vigdís Þórarinsdóttir og Anna Birna Jensdóttir formaður Thorvaldsensfélagsins heimsóttu Samskiptamiðstöð heyrnarlausra og heyrnarskertra barna 21. mars. Þar tók á móti Thorvaldsenskonum Árný Guðmundsdóttir. Tilefni heimsóknarinnar var afhending styrks til verkefnisins Gaman saman. Á undanförnum árum hafa Thorvaldsenfélagskonur gefið I-pada og lyklaborð auk barnabóka. Nú var gefið til viðbótar 6 I-padar (spjaldatölvur), spil og styrkur til þýðingar á barnabókum yfir á íslenskt táknmál ÍTM.

Gaman saman verkefnið er sniðið að þörfum döff  (fólk sem á ÍTM sem móðurmál) barna, þar sem þau hittast á SHH einu sinni í viku, eru í kennslu, vinna verkefni og eiga í samskiptum á ÍTM undir stjórn döff kennara.

Á SHH hefur verið unnið að þýðingum á ÍTM á ýmis konar bókum sem eru nýttar til kennslu og settar inn á I-pada barnanna. Þannig geta þau lesið heima og sýnt foreldrum sínum það efni sem þau vinna með hér á miðvikudögum, I-padarnir nýtast því einstaklega vel.

Spilin nýtast í vinnu með börnunum því þau eru góður grunnur til samskipta og málörvunar. Þýðingarstyrkurinn kemur einnig að góðum notum. Nokkrar barnabækur verða þýddar á ÍTM og afrit af þeim myndbödnum verða hlaðin inn á I-pada barnanna.  

Það var sérstaklega ánægjulegt að að hitta börnin með kennara sínum og heyra frá þeim hversu gagnlegar gjafirnar hafa reynst.

Gleðileg jól og farsælt nýtt ár

Thorvaldsenskonur óska landsmönnum gleðilegra jóla og farsældar á nýju ári. Þökkum stuðninginn við góðgerðamál Thorvaldsensfélagsins á árinu sem er að líða. 

Jólakort og jólamerki 2017 eftir Karólínu Lárusdóttur

jólamerki 2017 

Jólamerki Barnauppeldissjóðs 2017 er með mynd eftir listamálarann Karólínu Lárusdóttur. Merkin eru seld í örk sem tekur 12 merki og kostar örkin 300 krónur. Allur ágóði rennur til málefna barna.

 

Jólakort 2017

 

Jólakortið ber sömu mynd og eru seld 10 kort í pakka á 1500 krónur pakkinn. Allur ágóði rennur til málefna sykursjúkra barna og unglinga. 

Karólína Lárusdóttir

 

Karólína Lárusdóttir fæddist í Reykjavík árið 1944. Hún fór ung til náms í Bretlandi og starfaði þar í 50 ár þar til hún flutti aftur til Íslands.

 

Jólakort og jólamerki fást á Thorvaldsensbazar Austurstræti 4, simi 551-3509 einnig er hægt að panta á tölvupóstfanginu

Nánar: Jólakort og jólamerki 2017 eftir Karólínu Lárusdóttur

Thorvaldsensfélagið
Austurstræti 4
101 Reykjavík
Sími: 551-3509