Fréttir

Samfélagsstyrkur Landsbankans

Thorvaldsensfélagið fékk 250 þúsund króna styrk frá Landsbankanum til að gefa  út afmælisrit félagsins í tilefni af 140 ára afmæli þess sem verður 19. nóvember 2015. Á myndinni eru félagskonurnar Þóra Björg Guðmundsdóttir, Sigríður Sigurbergsdóttir, Anna Birna Jensdóttir, Guðlaug Jónína Aðalsteinsdóttir og Kristín Zoega ásamt Guðrúnu Agnarsdóttur formanni dómnefndar og Steinþóri Pálssyni bankastjóra.  Samfelagsstyrkir LB 6des 2014 - 0112 2

Thorvaldsensfélagið hlaut Bernskugullið 2014

Thorvaldsensfélagið hlaut Bernskugullið 2014 fyrir ómetanlegt hugsjónastarf um áratuga skeið í þágu barna. Athöfnin fór fram við hátíðlega athöfn á Dyngjuvegi 18 þann 25.nóvember þegar Marta Sigurðardóttir formaður Bernskunnar (Íslandsdeildar OMEP (Organization Mondiale pour l’Education Préscolaire) afhenti Önnu Birnu Jensdóttur formanni Thorvaldsensfélagsins viðurkenninguna. Þar segir að Bernskugull er veitt einstaklingum, félögum eða stofnunum sem gengið hafa fram fyrir skjöldu og stuðlað með ýmsum hætti að andlegri og líkamlegri velferð ungra barna. Thorvaldsenskonur þakka heiðurinn sem starfi þeirra er sýndur.

 

Samfelagsstyrkir LB 6des 2014 - 0112 2

 

20141125 16345820141125 163344

2 milljónir til styrktar málefnum barna og unglinga með sykursýki

Thor­valds­sens­fé­lagið færði styrkt­ar­sjóði málefna barna og ung­linga með syk­ur­sýki sem ber heitið Thorvaldsenssjóðurinn 2 millj­ón­ir króna að gjöf í til­efni af 20 ára af­mæli göngudeild­ar­ þeirra sem er á Barna­spítala Hrings­ins. Thor­valds­sen­fé­lagið hef­ur und­an­far­in ár styrkt með mynd­ar­leg­um hætti sum­ar­búðastarf fyr­ir börn og ung­linga með syk­ur­sýki. Þá styrkti fé­lagið gerð fræðslu­stutt­mynda um syk­ur­sýki sem er hægt að nálg­ast á vefn­um og hlaða niður í snjallsíma.

Ný­grein­ing­um barna og ung­linga með syk­ur­sýki teg­und 1 fer fjölg­andi.  Flók­in meðferð krefst mik­ils af börn­un­um og fjöl­skyld­um þeirra. Á göngu­deild barna starfar þverfag­legt teymi sem veit­ir fjöl­skyld­um barna með syk­ur­sýki margþætta aðstoð í formi fræðslu, ráðgjaf­ar og sál­fé­lags­legs stuðnings.

Föstu­dag­inn 14. nóv­em­ber, á alþjóðleg­um degi syk­ur­sýki, var haldið upp á 20 ára af­mæli göngu­deild­ar barna og ung­linga með syk­ur­sýki. Efnt var til hátíðardag­skrár í Hringsal. Árni V. Þórs­son, fyrr­ver­andi yf­ir­lækn­ir, sagði frá til­urð og stofn­un göngu­deild­ar­inn­ar, Elísa­bet Kon­ráðsdótt­ir sér­fræðing­ur í barna­hjúkr­un greindi frá nú­ver­andi starf­semi og Soffía G. Jón­as­dótt­ir, sér­fræðing­ur í innkirtla­lækn­ing­um, flutti er­indi um nýj­ung­ar í meðferð. Þá sagði móðir barns með syk­ur­sýki frá sinni upp­lif­un í er­indi sem hún nefndi „Svamlað í djúpu laug­inni, sýn móður barns með syk­ur­sýki“.

 Gjöf í Thorvaldsenssjodinn

Á myndinni sést Kristín Fjólmundsdóttir formaður Kortasjóðs Thorvaldsensfélagsins afhenda Árna Þórssyni sem situr í stjórn Thorvaldsenssjóðsins styrkinn. Allur ágóði af sölu jólakorta félagsins er til styrktar málefna barna og unglinga með sykursýki.

Jólakort 2014

Kortasjóður  Thorvaldsensfélagsins hefur gefið út jólakort ársins 2014 ,,Jólaævintýri". Höfundur er Hólmfríður Valdimarsdóttir grafískur hönnuður. Jólakortin eru til sölu á Thorvaldsensbazar Austurstræti 4 og hjá félagskonum.

Jólakort 2014

Thorvaldsensfélagið styrkir Starfsmenntunarsjóð ungra kvenna

Anna Birna Jensdóttir, formaður Thorvaldsensfélagsins, afhenti í dag styrk félagsins til Starfsmenntunarsjóðs ungra kvenna að upphæð 500.000 kr. Ingibjörg Rafnar Pétursdóttir, formaður BKR, veitti styrknum viðtöku fyrir hönd stjórnar Starfsmenntunarsjóðsins.

starfsmennt

BKR stofnaði starfsmenntunarsjóð ungra kvenna þann 18. mars 1995. Tilgangur sjóðsins er að hvetja og styðja við bakið á konum, sem ekki eiga kost á námslánum, til að afla sér aukinnar menntunar og styrkja þannig stöðu sína á atvinnumarkaði. Einkum eru þetta ungar einstæðar konur með börn, sem einhverra hluta vegna hafa þurft að hætta námi á sínum tíma.

Thorvaldsensfélagið
Austurstræti 4
101 Reykjavík
Sími: 551-3509