1961 - 1970

1961 - Bronsstytta á tréstalli með útskurði Stúlka les í bók bók

1961-bronsstytta

Áletrun: JÓLIN 1961 ÍSLAND BARNAUPPELDISSJÓÐUR THORVALDSENSFÉLAGSINS


Listam: Ríkharður Jónsson / Hafsteinn Guðmundsson


Fj. í örk: 48 Stærð myndar: 29,8x22,5 mm


Í eigu: Frummynd í eigu Thorvaldsensfélagsins


Vörulýsing:


Ríkharður Jónsson (1888-1977) listamaður stundaði myndlistarnám og dráttlistarnám hjá Stefáni Eiríkssyni og Þórarni B. Þorlákssyni listmálara. Hann lauk 1908 fyrstur manna á Íslandi sveinsprófi í myndskurði. Ríkharður stundaði listnám í Kaupmannahöfn og hjá Einari Jónssyni og myndhöggvaranám við Listaháskólann í Kaupmannahöfn. Hann var mjög afkastamikill listamaður og mótaði andlitsmyndir og legsteinsmyndir og ótal myndskurðarverk í fjölmörgum kirkjum. Hann gaf Thorvaldsensfélaginu eirstyttu af stúlku í íslenskum búningi árið 1960 sem þakklætisvott fyrir það að árið 1905 keypti félagið af honum mikið af smíðisgripum úr tálgusteini sem síðan var selt á Bazarnum. En það varð til þess að hann gat farið til náms erlendis. Hafsteinn Guðmundsson (1912-1999) nam við Iðnskólann í Reykjavík og Fagskole for boghåndsværk í Kaupmannahöfn. Hann var prentari og bókaútgefandi til starfsloka og var sæmdur viðurkenningu fyrir þau störf. Kennari var hann í fagteikningu við Iðnskólann í Reykjavík frá 1940-1960. Hafsteinn hlaut verðlaun Vísindasjóðs fyrir útgáfu á Íslenskri þjóðmenningu og var sæmdur riddarakrossi hinnar íslensku fálkaorðu 1976. Hann var gerður heiðursfélagi Félags íslenskra bókaútgefenda 1984 og var heiðursdoktor við Háskóla Íslands.

 

Heimildaskrá:

 

Jón Guðnason. (1970). Íslenskir samtíðarmenn, 3. Tekið saman af Jóni Guðnasyni og Pétri Haraldssyni. Reykjavík : Bókaútgáfan Samtíðarmenn, s. 171.

 

Thorvaldsensfélagið 100 ára : afmælisrit 1875-1975. (1980). Knútur Arngrímsson og Gunnar M. Magnúss tóku saman. Reykjavík : Thorvaldsensfélagið, s. 96-97.

 

Hafsteinn Guðmundsson : andlát. (1999). Morgunblaðið, 3. sept., s. 3.

 

Hafsteinn Guðmundsson : minningar. (1999). Morgunblaðið, 10. sept., s. 42.

 

Margrét Þorvaldsdóttir. (1999). Viðtal við Helgu Hobbs.

Thorvaldsensfélagið
Austurstræti 4
101 Reykjavík
Sími: 551-3509